Múlinn steðjar af stað 15. febrúar 2007 08:30 Björn Thoroddsen fer fyrir sveitinni The Riot ásamt kollega sínum Halldóri Bragasyni. Vetrardagskrá djassklúbbsins Múlans hefst á ný á Domo Bar í kvöld en sextán tónleikar eru fyrirhugaðir þar á næstunni. Múlinn er samstarfsverkefni Félags íslenskra hljómlistarmanna og Jazzvakningar. Klúbburinn heitir í höfuðið á helsta djassgeggjara þjóðarinnar, Jóni Múla Árnasyni, sem jafnframt var heiðursfélagi og verndari Múlans. Dagskráin er að vanda bæði metnaðarfull og fjölbreytt og er gott dæmi um þá miklu grósku sem einkennir íslenskt djasstónlistarlíf og eiga allir straumar og stefnur heima í Múlanum. Auk tónleikanna sextán sem endast munu fram í júní verða sérstakir glæsilegir afmælistónleikar síðar í febrúar með hinum þekkta danska trommuleikara Alex Riel ásamt tríói hans. Í mars leikur Jazzbræðingssveitin Gammar sem og tríó Ómars Guðjónssonar gítarleikara auk þess sem saxófónleikarinn Haukur Gröndal heldur tvenna tónleika ásamt félögum í kvintett og kvartett. Blúshátíð í Reykjavík fer fram á Domo Bar í apríl en Múlinn skipuleggur tónleika Kvintetts Jóels Pálssonar, tónleika til heiðurs Ahmad Jamal tríóinu um miðjan aprílmánuð. Tregasveit Kristjönu Stefánsdóttur söngkonu rekur síðan lestina og flytur uppáhalds blúslög söngkonunnar 26. apríl. Með vorinu lætur Tómas R. Einarsson sjá sig ásamt Latínkvartett sem og Kvintett Andésar Þórs en í maí treður einnig upp óvenjulegur kvartett sem kennir sig við OC/DC en hans helsta aðalsmerki er músík saxófónleikarans Ornettes Coleman. Það er þó glæný hljómsveit sem ríður á vaðið í kvöld en bandið The Riot skipa samt kunnuglegir kappar. Gítarleikararnir Björn Thoroddsen og Halldór Bragason leiða sveitina en sá síðarnefndi syngur jafnframt, með þeim leika Jón Ólafsson píanóleikari, Jón Rafnsson bassaleikari og trommuleikarinn Ásgeir Óskarsson. Tónlistin sem þeir félagar leika verður „uppreisn gegn poppi, blús og djasstónlist, undir áhrifum frá kosmískum kröftum. Snarstefjaður sígaunaseiður að hætti galdramanna af ströndum við ljóð Snorra á Húsfelli og Roberts Johnson með takthrynjandi voodoo-galdramanna Missisippi og seiðmanna Afríku“. Allir tónleikarnir hefjast kl. 21 en nánari upplýsingar um dagskrá Múlans verður að finna á heimasíðunni jazz.is. Mest lesið „Pabbi hélt alltaf að þú værir kunta, takk fyrir að sanna það“ Lífið Skvísur landsins skáluðu í miðborginni Lífið Vildi frekar hafa David Hasselhoff uppá vegg en Jón Ólafs Lífið Gengu um rústir ratsjárstöðvar og klifu fáfarnasta fjall Hornstranda Lífið „Hugsa fallega til stelpunnar sem ég var þá“ Tíska og hönnun Hætta með Þarf alltaf að vera grín? af persónulegum ástæðum Lífið Kaupir fjórða húsið við sömu götu Lífið Er hægt að komast yfir framhjáhald? Lífið Kristján Einar leitar sér aðstoðar Lífið Íslenskur Hollywood-leikari selur íbúð í Seljahverfinu Lífið Fleiri fréttir Fjarsambandinu loksins lokið Frumsýning á Vísi: Fyrsta lag Valdimars í sjö ár og liðsmenn eru Bieber ævinlega þakklátir Raftónlistarhátíðin Extreme Chill haldin í sextánda sinn næstu helgi Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans Sjá meira
Vetrardagskrá djassklúbbsins Múlans hefst á ný á Domo Bar í kvöld en sextán tónleikar eru fyrirhugaðir þar á næstunni. Múlinn er samstarfsverkefni Félags íslenskra hljómlistarmanna og Jazzvakningar. Klúbburinn heitir í höfuðið á helsta djassgeggjara þjóðarinnar, Jóni Múla Árnasyni, sem jafnframt var heiðursfélagi og verndari Múlans. Dagskráin er að vanda bæði metnaðarfull og fjölbreytt og er gott dæmi um þá miklu grósku sem einkennir íslenskt djasstónlistarlíf og eiga allir straumar og stefnur heima í Múlanum. Auk tónleikanna sextán sem endast munu fram í júní verða sérstakir glæsilegir afmælistónleikar síðar í febrúar með hinum þekkta danska trommuleikara Alex Riel ásamt tríói hans. Í mars leikur Jazzbræðingssveitin Gammar sem og tríó Ómars Guðjónssonar gítarleikara auk þess sem saxófónleikarinn Haukur Gröndal heldur tvenna tónleika ásamt félögum í kvintett og kvartett. Blúshátíð í Reykjavík fer fram á Domo Bar í apríl en Múlinn skipuleggur tónleika Kvintetts Jóels Pálssonar, tónleika til heiðurs Ahmad Jamal tríóinu um miðjan aprílmánuð. Tregasveit Kristjönu Stefánsdóttur söngkonu rekur síðan lestina og flytur uppáhalds blúslög söngkonunnar 26. apríl. Með vorinu lætur Tómas R. Einarsson sjá sig ásamt Latínkvartett sem og Kvintett Andésar Þórs en í maí treður einnig upp óvenjulegur kvartett sem kennir sig við OC/DC en hans helsta aðalsmerki er músík saxófónleikarans Ornettes Coleman. Það er þó glæný hljómsveit sem ríður á vaðið í kvöld en bandið The Riot skipa samt kunnuglegir kappar. Gítarleikararnir Björn Thoroddsen og Halldór Bragason leiða sveitina en sá síðarnefndi syngur jafnframt, með þeim leika Jón Ólafsson píanóleikari, Jón Rafnsson bassaleikari og trommuleikarinn Ásgeir Óskarsson. Tónlistin sem þeir félagar leika verður „uppreisn gegn poppi, blús og djasstónlist, undir áhrifum frá kosmískum kröftum. Snarstefjaður sígaunaseiður að hætti galdramanna af ströndum við ljóð Snorra á Húsfelli og Roberts Johnson með takthrynjandi voodoo-galdramanna Missisippi og seiðmanna Afríku“. Allir tónleikarnir hefjast kl. 21 en nánari upplýsingar um dagskrá Múlans verður að finna á heimasíðunni jazz.is.
Mest lesið „Pabbi hélt alltaf að þú værir kunta, takk fyrir að sanna það“ Lífið Skvísur landsins skáluðu í miðborginni Lífið Vildi frekar hafa David Hasselhoff uppá vegg en Jón Ólafs Lífið Gengu um rústir ratsjárstöðvar og klifu fáfarnasta fjall Hornstranda Lífið „Hugsa fallega til stelpunnar sem ég var þá“ Tíska og hönnun Hætta með Þarf alltaf að vera grín? af persónulegum ástæðum Lífið Kaupir fjórða húsið við sömu götu Lífið Er hægt að komast yfir framhjáhald? Lífið Kristján Einar leitar sér aðstoðar Lífið Íslenskur Hollywood-leikari selur íbúð í Seljahverfinu Lífið Fleiri fréttir Fjarsambandinu loksins lokið Frumsýning á Vísi: Fyrsta lag Valdimars í sjö ár og liðsmenn eru Bieber ævinlega þakklátir Raftónlistarhátíðin Extreme Chill haldin í sextánda sinn næstu helgi Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans Sjá meira
Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“