Forstjóri Universal Pictures verslar jólagjafirnar hjá 66° Norður

Það eru ekki eingöngu íslendingar sem gera sér grein fyrir ágæti 66°Norður og hefur hróður fyrirtækisins borist víða. Nýverið bættust hjónin Ron og Kelly Meyer í hóp ánægðra viðskiptavina 66°Norður en Ron er forstjóri Universal Pictures. Hjónin keyptu jólagjafir handa fjölskyldu sinni og vinum á netverslun 66°Norður en fyrir valinu urðu Glymur þriggja laga öndunarjakkar, Esja Parka úlpa og Þórsmörk Parka dúnúlpa.

Ekki er vitað hvar hjónin fréttu af netverslun 66°Norður, þó megi leiða að því líkum að Sigurjón Sighvatsson, kvikmyndaframleiðandi og einn eigenda 66° norður hafi verið duglegur við að kynna vörurnar. Talsmaður hjónanna segir að þau séu mjög ánægð með flíkurnar og vonandi verða þeir sem þær fá það einnig.

Meyer hjónin eru ekki þau einu sem hafa keypt 66°Norður fatnað í jólagjafir en í fyrra keypti Yoko Ono eitthundrað Þórsmörk Parka dúnúlpur í jólagjafir.