Álfaprinsessan segir klámsögur á jólahlaðborðum

Norska prinsessan Marta Lovísa er enn á milli tannana á fólki í heimalandi sínu. Í þetta sinn hefur hún hneykslað samlanda sína með því að koma fram á jólahlaðborðum fyrirtækja gegn greiðslu þar sem hún les erótísk ævintýri fyrir hlaðborðsgestina.

Umboðsmaður prinssessunnar segist ekki gefa upp hve mikið Marta taki fyrir atriðið en hann segir hana til í að skoða öll góð tilboð. Prinsessan vakti mikið umtal fyrr á árinu þegar hún sagðist búa yfir hæfileikanum til þess að tala við engla.

Þeir sem til þekkja í skemmtanabransanum í Noregi segjast telja að fyrirtæki þurfi að punga út um 300 þúsund íslenskum krónum fyrir kvöldstund með álfaprinsessunni.