Jennifer Garner og Ben Affleck eru óþolandi nágrannar

Útvarpsmaðurinn geðþekki, Howard Stern er alveg að fá nóg af nágrönnum sínum, leikaraparinu Jennifer Garner og Ben Affleck. Hann segir að þau hafi sett plágu á húsið sitt í New York, þar sem þau dvelja tímabundið meðan Garner leikur í ,,Cyrano de Bergerac" á Broadway.

Í útvarpsþætti sínum kvartaði Stern sáran undan ágangi paparassa, sem hanga fyrir utan húsið öllum stundum. Þeir hafa tekið upp á því að mynda Stern líka þegar hann kemur út. Jafnvel þegar honum finnst hann líta hræðilega út. ,,Þetta er ótrúlegt. Núna veit ég af hverju er reynt að koma í veg fyrir að frægt fólk flytji inn í íbúðabyggingar." sagði Stern. Hann sagðist fá upplýsingar um hagi parsins í smáatriðum frá dyraverði byggingarinnar. ,,Hverjum er ekki sama um þau?" sagði Stern.