Mamma Eminem segir hann ljúga til um fortíð sína

Lífið hefur verið rólegt hjá Eminem undanfarið. Það gæti breyst með nýrri bók sem móðir hans gefur út á næsta ári.

Í bókinni, My Son Marshall, My Son Eminem, segir Debbie Nelson að Eminem sé ekki það sem hann segist vera. Þvert á móti segir hún að hann hafi skáldað upp söguna um erfiða æsku sína til þess að markaðssetja sig sem rappara.

Í inngangi bókarinnar segir Debbie, ,,Eftir að fyrsta plata hans, Infinite, floppaði, skáldaði hann upp fortíð þar sem hann var hvítt hjólhýsarusl með brjálaða móður á féló. Ég fékk áfall þegar ég heyrði fyrstu textana... en hann sannfærði mig um að þetta væri allt bara grín, og ég tók þátt í því fyrir hann."

Eftir að hafa þurft að þola árásir fjölmiðla og aðdáenda rapparans í fjölda ára er Debbie hins vegar hætt að þykjast. ,,Þessi bók er tilraun mín til að leiðrétta misskilninginn." segir Debbie í innganginum. Í rauninni: Það er kominn tími til að hinn raunverulegi Slim Shady, vinsamlegast, standi upp."