Tekinn með tvö kíló í Leifsstöð
Tollgæslan á Suðurnesjum fann í gær um tvö kíló af fíkniefnum í fórum íslensks karlmanns í Leifsstöð. Talið er að um sé að ræða amfetamín eða kókaín. Frá þessu var greint í kvöldfréttum RÚV. Þar staðfesti Jóhann R. Benediktsson, lögreglu- og tollstjóri á Suðurnesjum að maður hefði verið stöðvaður með mikið magn fíkniefna í Leifsstöð.
Jóhann vildi ekki tjá sig nánar um málið en maðurinn mun hafa verið úrskurðaður í þriggja vikna gæsluvarðhald.
