Lög níunda áratugarins

Safnplatan „100 íslensk 80’s lög á 5 geislaplötum“ kemur út mánudaginn 4. júní. Plöturnar eru fimm saman í einum pakka með hundrað lögum frá níunda áratugnum og eru öll með íslenskum flytjendum.

Mörg af lögunum eru að koma út í fyrsta skiptið á geislaplötu og hafa mörg þeirra verið ófáanleg í langan tíma. Á meðal þeirra eru Waiting for an Answer með Cosa Nostra, Vopn og verjur með Var­nöglunum (Bubbi Morthens), Ástar óður með Pétri Kristjánssyni og Bjartmari Guðlaugssyni, Rauður bíll með Geira Sæm, Þegar allt er orðið hljótt með Stuðkompaníinu, Ég held ég gangi heim með Valgeiri Guðjónssyni og Aukakílóin með Skriðjöklum.