Vill fréttir af syninum

Yoyhane Bonda, faðir malavíska drengsins sem Madonna ættleiddi á dögunum, vill fá að spyrja söngkonuna hvernig syni hans reiðir af en veit ekki hvernig hann getur haft samband við hana. „Ég er ekki með símanúmerið hennar eða heimilisfang.

Ég vil bara fá að vita hvernig sonur minn hefur það,“ sagði Bonda í samtali við dagblaðið Daily Times. Hann ræddi einu sinni við stjörnuna áður en hann lét son sinn af hendi.

Ættleiðing Madonnu og Guys Ritchie, eiginmanns hennar, vakti mikla athygli á sínum tíma; mannréttindafélög í Malaví gerðu því til dæmis skóna að ekki væri allt með felldu og að hjónin hefðu fengið sérmeðferð í krafti auðæfa sinnar og frægðar.

Bonda segist ekki fara fram á að fá son sinn aftur, aðeins að fá að vita að honum reiði vel af.