Bægir frá sér biðlum

Jennifer Aniston fær gylliboð á eftir gylliboði þessa dagana. Þau berast þó ekki úr herbúðum kvikmyndaframleiðenda, heldur frá piparsveinum sem vilja ólmir bjóða leikkonunni á stefnumót.

Samkvæmt Aniston hefur boðunum rignt yfir hana eftir að slitnaði upp úr sambandi hennar við Vince Vaughn. Ríkisbubbinn Steve Bing og hjólreiðakappinn Lance Armstrong eru á meðal þeirra sem hafa sýnt Aniston áhuga, en hún neitaði Armstrong um stefnumót vegna vináttu sinnar við Sheryl Crow, fyrrverandi unnustu Armstrongs.