Færa þarf tímabundnar fórnir

Færa þarf tímabundnar fórnir til að hægt verði að byggja upp þorskstofninn að mati sjávarútvegsráðherra. Ekki er hægt að búa við það að ekkert miði í uppbyggingu stofnsins. Þetta sagði Einar K. Guðfinnsson, sjávarútvegsráðherra, í sjómannadagsávarpi sínu. Taka þarf ákvarðanir til lengri tíma og það kallar á fórnir. Einar greindi einnig frá niðurstöðum skoðanakönnunar sem gerð var meðal sjómanna. Niðurstöður hennar sýna að hátt í nítíu prósent sjómanna hafa bæði ánægju og eru stoltir af starfi sínu. Tveir af hverjum þremur þeirra hyggjast vera til sjós næstu tvö til fimm ár eða lengur.