Clichy og Senderos að verða klárir hjá Arsenal

Arsene Wenger, stjóri Arsenal, getur nú glaðst yfir þeim tíðindum að tveir að leikmönnum hans sem verið hafa meiddir eru nú óðum að ná sér og ættu að verða klárir í slaginn þegar keppni í ensku úrvalsdeildinni hefst eftir landsleikjahlé.

Gael Clichy og Philippe Senderos spiluðu báðir í sigri varaliðs Arsenal á West Ham í gær, en þetta var í fyrsta sinn sem þeir spila á leiktíðinni. Senderos hefur ekki spilað síðan hann meiddist illa á öxl með landsliði Sviss á HM, en Clichy hefur átt við fótameiðsli að stríða.