Ástin lifir ekki að eilífu hjá Paris Hilton

Partíljónið og hótelerfinginn París Hilton hefur komið víða við og það virðist varla vera veisla í Hollywood án þess að hún sé viðstödd. Paris hefur verið með mörgum mönnum þrátt fyrir ungan aldur enda gaf hún nýlega út yfirlýsingu þess efnis að hún væri komin í pásu frá karlmönnum í bili.

Fyrrverandi kærastar Parisar eru forvitnilegir drengir en meðal þeirra eru tveir grískir erfingjar að auðæfum, þrjár útbrenndar unglingastjörnur og svo hinn frægi Rick Salomon en hann varð frægur fyrir að vera meðleikari Parisar í kynlífsmyndbandinu. Fréttablaðið ákvað að taka saman yfirlit yfir þessa drengi sem hafa gerst svo frægir að vera kærastar Paris Hilton.