Gerrard verður áfram á kantinum

Rafa Benitez segist ætla að halda áfram að tefla enska landsliðsmanninum Steven Gerrard fram á hægri kanti áfram, þrátt fyrir að þessi ráðstöfun hafi verið gagnrýnd harðlega í kjölfar lélegs gengis liðsins í úrvalsdeildinni undanfarið.

"Gerrard er fullkomlega sáttur við að spila þessa stöðu með okkur alveg eins og með landsliðinu. Steve McClaren landsliðsþjálfari veit alveg hvað hann er að gera og hann veit að það er gott að láta Gerrars spila á kantinum og láta hann sækja inn á miðjuna. Steve er fyrirliði liðsins og hann veit að hann þarf að gera það sem hentar liðinu best hverju sinni," sagði Benitez.