Sigríður Anna hættir á þingi

Sigríður Anna Þórðardóttir, þingkona Sjálfstæðisflokksins og fyrrverandi umhverfisráðherra, ætlar ekki að gefa kost á sér til áframhaldandi þingsetu í Alþingiskosningunum næsta vor. Þetta tilkynnti hún á aðalfundi kjördæmisráðs Sjálfstæðisflokksins í Suðvesturkjördæmi í Valhöll í gærkvöldi. Sigríður Anna hefur setið á þingi fyrir Sjálfstæðisflokkinn frá árinu 1991. Samþykkt var á fundi kjördæmisráðsins í gær að efna til prófkjörs þann ellefta nóvember næstkomandi til að velja á framboðslista flokksins í kjördæminu.