Systkini hlaupa nakin til stuðnings PETA

Íslensk systkini, Hanna og Tryggvi Guðmundsbörn, eru meðal þeirra mörghundruð stuðningsmanna dýraverndunarsamtaknna PETA sem hyggjast hlaupa nakin um götur Pamplona á Spáni 5. júlí til að mótmæla árlegu nautahlaupi í borginni. Nautahlaupið er gömul hefð sem hefur verið við lýði í borginni í fjölda ára. Þetta er í fimmta sinn sem stuðningsmenn PETA munu hlaupa naktir um götur borgarinnar, flestir þeirra ferðamenn, til að mótmæla illri meðferð á nautunum. Nautin í nautahlaupinu enda flest sína lífdaga í nautaati, einni þekktustu þjóðaríþrótt Spánverja.