Bakslag í jafnréttismálum Reykjavíkurborgar

Dagur B. Eggertsson borgarfulltrúi Samfylkingarinnar segir að gríðarlegt bakslag hafi orðið í jafnréttismálum Reykjavíkurborgar við kjör í nefndir, ráð, stjórnir og hverfaráð í gær.

Í átta megin ráð borgarstjórnar hafi meirihlutinn kosið konur til formennsku í aðeins tveimur. Í nokkrum nefndum skipi meirihlutinn 10 konur af 32 fulltrúum sínum í þeim, eða aðeins þriðjung. Meirihlutinn kjósi því greinilega að hafa áskorun jafnréttisnefndar borgarinnar um kynjajafnrétti, að engu.

Svandís Svavarsdóttir Vinstri grænum hefur látið sömu skoðun í ljós.