Bjarni Ármanns nýr formaður háskólaráðs HR

Bjarni Ármannsson, forstjóri Glitnis, var kjörinn nýr formaður háskólaráðs Háskólans í Reykjavík á aðalfundi ráðsins sem haldinn var í dag. Sverrir Sverrisson lét af formennsku í ráðinu en hann hefur setið í háskólaráði frá stofnun skólans árið 1998, þar af síðustu sex árin sem formaður þess. Aðrir sem sitja í háskólaráði Háskólans í Reykjavík eru Finnur Geirsson, Jón Ágúst Þorsteinsson, Jón Sigurðsson, Katrín Pétursdóttir, Sjöfn Sigurgísladóttir og Þór Sigfússon, sem kemur nýr inn í ráðið. Varamenn eru Eggert Guðmundsson, Kristín S. Hjálmtýsdóttir og Sigurður B. Guðmundsson. Nemendafjöldi skólans hefur nífaldast síðan frá stofnun hans og verða um 2.800 nemendur skráðir við skólann næsta haust.