Aukning í landsframleiðslu fyrsta ársfjórðung 2006

Landsframleiðsla hefur vaxið um 5% á fyrsta ársfjórðungi 2006 miðað við sama tíma í fyrra. Þetta kemur fram í þjóðhagsreikningum Hagstofu Íslands sem birtir voru í dag.

Þjóðarútgjöld hafa þó vaxið mikið vegna vaxtar í innflutningi og samdráttar í útflutningi. Einkaneysla óx um 12,6% á tímabilinu en hún jókst um 10,6% síðasta ársfjórðung 2005. Þessi vöxtur er helst í kaupum á innfluttum vörum. Fjárfesting jókst um 36,6% eftir að hafa vaxið um 35,4% tímabilið á undan. Þjóðarútgjöld, samtala neyslu og fjárfestingar, jukust um 13,7% frá sama tíma árið áður.