Sjálfstæðismenn eru fullir tilhlökkunar yfir tilvonandi meirihlutasamstarfi

Sjálfstæðismenn eru fullir tilhlökkunar yfir meirihlutassamstarfi sínu við Framsóknarmenn í borginni. Gísli Marteinn Baldurson borgarfulltrúi segir að þekking og reynsla tilvonandi embættismanna muni skila sér til borgarbúa þar sem málefni og árángur muni skipta máli.

Borgarfulltrúar og varaborgarfulltrúar funduðu um tilvonandi meirihlutasamstarf flokkana í Valhöll í kvöld. Gísli Marteinn Baldursson borgarfulltrúi segir að tilvonandi embættismenn borgarinnar búi yfir reynslu og þekkingu sem muni skila sér til borgarbúa. Hann segir að flokkarnir séu búnir að gera upp við sig hverjir verði kandidatar í embætti á vegum borgarinnar og það hafi legið ljóst fyrir að þeir reynslumeiri væru þar framarlega í broddi fylkingar.

Gísli Marteinn telur ekki að dræmt fylgi framsóknarflokksins í sveitastjórnarkosningunum muni hvorki hafa áhrif á samstarf flokkana eða viðtökur frá borgarbúum. Hann bendir á að Framsóknarflokkurinn hafi einn borgarfulltrúa en Sjálfstæðisflokkurinn sjö og saman muni þessi meirihluti stefna á árangur í málefnum borgarinnar.