Innlent

Tveir ráðherrar hætta í ríkisstjórn

Jón Kristjánsson segist hafa farið fram á það sjálfur að hann léti eftir ráðherrastól sinn til Magnúsar Stefánssonar. Hann kveður sáttur. Sigríður Anna Þórðardóttir kveður einnig Umhverfisráðuneytið. Sigríður Anna baðst undan viðtali í dag en sagði í samtali við NFS vera sátt. Á henni mátti þó heyra að tilfinningar hennar væru blendnar gagnvart þeirri stöðu sem hún er nú í. Hún sagðist ætla eyða deginum í dag með fjölskyldu sinni en væri hugsanlega til viðtals á morgun.

Þegar rætt var við Jón Kristjánsson fyrr í dag var ekki annað að heyra en hann færi úr ríkisstjórn sáttur. Hann sagði ákvörðunina alfarið sína enda sé hann orðinn 64 ára gamall. Hann hugðist hætta næsta vor en fannst rétt að gera það nú víst þessi staða væri komin upp og láta svo af þingmennsku næsta vor. Jón sagði ákvörðun sína að einhverju leyti samhangandi ákvörðun Halldórs Ásgrímssonar um að hætta að stjórnmálum enda hafi þeir starfað saman í 32 ár og því þætti honum mikill sómi að hverfa úr ráðherrastól á sama tíma og Halldór

 



Fréttir Innlent

Mest lesið


Fleiri fréttir

Sjá meira


×

Mest lesið