3 nýir ráðherrar hjá Framsóknarflokknum

Þrír nýir Framsóknarmenn taka sæti í ríkisstjórn undir forsæti Geirs H. Haarde, formanns Sjálfstæðisflokksins. Jón Sigurðsson, núverandi Seðlabankastjóri, tekur við embætti iðnaðar- og viðskiptaráðherra, Magnús Stefánsson verður félagsmálaráðherra og Jónína Bjartmars verður umhverfisráðherra og samstarfsráðherra Norðurlandaráðs. Valgerður Sverrisdóttir flyst úr iðnaðar- og viðskiptaráðuneytinu í utanríkisráðuneytið.

Jón Kristjánsson hverfur úr félagsmálaráðuneytinu að eigin ósk.

Guðni Ágústsson verður áfram landbúnaðarráðherra og Siv Friðleifsdóttir verður áfram heilbrigðis- og tryggingaráðherra.

Samkvæmt þessu missa Sjálfstæðismenn eitt ráðuneyti og víkur Sigríður Anna Þórðardóttir úr embætti umhverfisráðherra.