Sorg á sjómannadaginn á Akureyri

Sjómannadagurinn á Akureyri verður með öðru sniði í ár en verið hefur. Dagurinn verður haldinn hátíðlegur í skugga sjóslyssins sem varð þann 27. maí síðastliðinn þegar eldur kviknaði um borð í Akureyrinni með þeim afleiðingum að tveir létust.

Ekki verður haldinn opinber sjómannadansleikur eins og síðustu áratugi né heldur verður keppt í reipitogi eða róðri. Sjómannamessu verða haldnar í báðum kirkjunum á sunnudaginn klukkan 11 og minningarathöfn á hafnarsvæðinu klukkan 15. Eftir minningarathöfnina hefjast hófstillt hátíðahöld fyrir alla fjölskylduna sem standa í um klukkustund.