Ísland þriðja land inn í ESB

Tilkynnt var í vikunni að Búglaría og Rúmenía verði tekin inn í Evrópusambandið um næstu áramót ef þeim tekst að bæta stjórnsýslu og draga úr spillinu fyrir lok september. Búlgarir eru sagðir draga lappirnar í spillingarmálum og ákærur á hendur háttsettum mönnum nái sjaldnast fyrir dómstóla. Rúmenar eru hins vegar sagðir þurfa að bæta heilbrigðieftirlit og umsjón með landbúnaðarstyrkjum svo eitthvað sé nefnt. Miðað er við að löndin fái inngöngu í síðasta lagið árið 2008 og er hætta á að þau uppfylli ekki skilyrði og séu þá áfram úti í kuldanum.

Á fundi hjá Rannsóknarstofnun í Evrópumálum í Brussel í morgun sagði Olli Rehn, sem fer með málefni tengd stækkum Evrópusambandsins í framkvæmdastjórn þess, að Ísland gæti orðið næst inn í sambandið á eftir Búlgaríu og Rúmeníu. Hann tiltók þó sérstaklega að Ísland hefði aldrei sótt um aðild en ef það gerðist væri vafalaust hægt að segja að Íslendingar uppfylltu skilyrði fyrir inngöngu þar sem um Evrópuland væri að ræða sem virti evrópsk gildi.

Rehn sagði að næstu lönd inn á eftir Rúmeníu og Búlgaríu fengu ekki inngöngu fyrr en eftir að búið væri að gera nauðsynlegar breytingar á stofnunum sambandsins og nýjan stofnanasáttmála. Auk þess verði að taka fjárhagsáætlun þess fyrir tímabilið 2008 til 2009 til gaumgæfilegrar endurskoðunar áður en fleiri ríki fái að vera með.

Halldór Ásgrímsson, forsætisráðherra, gerði Evrópusambandið að umtalsefni í ræðu á Viðskiptaþingi Viðskiptaráðs Íslands í febrúar. Þar spáði hann því að Ísland yrði gengið í Evrópusambandið fyrir árið 2015