Hrafnshreiður við umferðargötu

Hrafnshjón hafa gert sér hreiður aðeins tvo metra frá umferðargötu í helsta athafnahverfi Reykjavíkur. Starfsmenn fyrirtækis í nágrenninu fæða hrafnana daglega. Laupurinn er uppi í kletti við Vatnagarða og svo haganlega staðsettur að það er illgerlegt að klifra upp að honum. Og ekki er skárra að nálgast hreiðrið ofan frá. Menn hafa reynt að sjá ofan í hreiðrið þaðan en ekki tekist því það er beinlínis hættulegt að fara of nærri klettabrúninni. Það verður þó að teljast með ólíkindum að hrafn skuli hafa valið sér þennan hreiðursstað því þarna er stöðug umferð, ekki síst stórra flutningabíla. Hrafninn er með fyrstu fuglum til að verpa á vorin, hann verpir yfirleitt í apríl og fram í maí. Starfsmenn fyrirtækja í nágrenninu segja að hrafnana lífga upp á tilveruna á hafnarsvæðinu en þeir hafa fylgst með parinu þarna undanfarna tvo til þrjár mánuði. Það er væntanlega karlinn sem færir kellu sinni eitthvað gott að éta en við gefum okkur það að það sé hún sem frekar liggur á. Annars færa starfsmenn heildsölunnar Johan Rönning þeim mat bæði í hádeginu og síðdegis.