Fyrsta skóflustungan tekin að byggingu knattspyrnuhúss við Vallarkór

Á morgun Föstudag mun Kópavogsbær og Ístak h.f. undirrita samning um byggingu fullkomins knattspyrnuhúss við Vallarkór í Kópavogi. Um leið verður tekin fyrsta skóflustunga að húsinu en þar með er hafin bygging heilsu-, Íþrótta- og fræðaseturs í Kópavogi í samræmi við samning Kópavogsbæjar og Íþróttaakademíu Íslands sem undirritaður var í nóvember s.l. þetta kemur fram í tilkynningu frá Markaðsskrifstofu Kópavogsbæjar

Þetta mun vera  fyrsti áfangi mikilla framkvæmda á svæði íþróttaakademíunnar, en í seinni aföngum verður m.a íþróttasalur með búningaklefum, knattspyrnuvellir og önnur útisvæði, sundlaug og skólabygging.

Samningurinn sem nú verður undirritaður er upp á rúman milljarð króna en Ítak h.f. varð hlutskarpast í alútboði um verkið. Grunnflötur hússins verður 10.800 fermetrar og er gert ráð fyrir að allt að 2000 áhorfendum í sætum.