Vara við vaxtahækkunum

Samtök atvinnulífsins sendu nýverið frá sér tilkynningu þar sem lýst var yfir áhyggjum af hugsanlegri vaxtahækkun Seðlabankans á næstu dögum. Hugmyndin með hækkuninni á að vinna gegn verðhækkunum í landinu.

Í bréfi til bankastjórnar Seðlabankans lýsa samtökin verulegum efasemdum um að vaxtahækkun nú eigi eftir að skila tilætluðum árangri. Allt eins megi reikna með því að vaxtahækkun þyki ótrúverðug vegna þess hve vextir eru háir fyrir og vegna þess að gengið lækkaði þrátt fyrir þessa háu vexti. Þá benda samtökin á líkur á efnahagssamdrætti á næsta ári og telja vaxtahækkun því vafasama. Samtök atvinnulífsins hvetja því Seðlabankann til að halda að sér höndum með vaxtahækkun.