Varnarviðræðum haldið áfram

Varnarviðræðum íslenskra og bandarískra stjórnvalda verður haldið áfram á morgun. Fundir verða haldnir í Reykjavík á morgun og fimmtudag.

Síðustu formlegu fundir viðræðunefnda landanna tveggja fóru fram í Reykjavík um síðustu mánaðamót. Eftir þær viðræður sagði forsætisráðherra að þær hefðu ekkert nýtt leitt í ljós og fyrst væri að vænta tíðinda eftir mánuð, en sá tími er nú að renna upp. Búist er við að Bandaríkjamenn leggi fram a.m.k. drög að áætlun um hvernig þeir hyggjast standa að vörnum landsins eftir að herinn fer í september.