Innlent

Hlaupið í Skaftá vex mjög hratt

Hlaupið í Skaftá vex mjög hratt er rennslið í Eldvatni við Ása nú orðið tæpir 280 rúmmetrar á sekúndu.Hlaupið á upptök sín um 5-10 kílómetrum norð-vestan við Grímsvötn í eystri katli Skaftárjökuls og varð þess vart um klukkan 7 morgun. Að sögn Oddsteins Kristjánssonar, bónda á Hvammi varð hann hljaupsins var snemma í morgun en síðan þá hefur það vaxið mikið. Hlaupið nú virðist vera nokkuð stórt en það kom undan jöklinum rétt norðan-austan við Langasjó og rennur sem leið liggur suður Skaftá. Búast má við að hlaupið ná hámarki á næstu tveimur dögum. Skaftárhlaupið í fyrra kom úr vestari katlinum, en sá eystri er stærri.

Samkvæmt mælum Vatnamælinga Orkustofnunar var rennslið í Eldvatni við Ása komið í tæpa 280 rúmmetra á sekúndu nú rétt fyrir klukkan tvö, en búast má við að rennsli í hlaupinu fari í 1.400 til 1.500 rúmmetra. Hlaupið er nú þegar komið að Kirkjubæjarklaustri og rennur niður í Skaftárósa og niður Kúðafljót til sjós og er fólk varað við að fara nærri upptökum hlaupsins þar sem miklar eiturgufur frá hlaupinu geta verið hættulegar.

 



Fréttir Innlent

Mest lesið


Fleiri fréttir

Sjá meira


×

Mest lesið