Enn hækkar verð á bensíni

Verð á bensíni heldur áfram að hækka og hefur lítrinn af 95 oktana bensíni hækkað um rúmar 16 krónur frá áramótum. Ekki er útlit fyrir að verðið eigi eftir að lækka í bráð þar sem heimsmarkaðsverð heldur áfram að hækka og krónan að veikjast.

Esso reið á vaðið í morgun og hækkaði verð á bensíni og olíu en skeljungur og olís fylgdu fast á eftir. Nú kostar bensínlítrinn 126,10 á sjálfsafgreiðslustöðvum esso og olís en 125,3 hjá Skeljungi. Atlantsolía, ÓB, Orkan og Egó stöðvarnar hafa enn ekki hækkað verð hjá sér en líklegt þykir að svo verði gert þar sem heimsmarkaðsverð á olíu hækkaði um 20 dollara tonnið í gær og krónan heldur áfram að veikjast. Bensínverð hér á Íslandi er nú með því allra hæsta sem þekkist í heiminum og hefur lítrinn hækkað jafnt og þétt frá áramótum. Í byrjun árs var algengt verð á bensínlítranum 109 krónur og 80 aurar á sjálfsafgreiðslustöðvum en er nú eins fyrr segir 126,10 og hefur bensínlítrinn því hækkað um rúmar 16 krónur frá áramótum.

Esso reið á vaðið í morgun og hækkaði verð á bensíni og olíu en skeljungur og olís fylgdu fast á eftir. Nú kostar bensínlítrinn 126,10 á sjálfsafgreiðslustöðvum esso og olís en 125,3 hjá Skeljungi. Atlantsolía, ÓB, Orkan og Egó stöðvarnar hafa enn ekki hækkað verð hjá sér en líklegt þykir að svo verði gert þar sem heimsmarkaðsverð á olíu hækkaði um 20 dollara tonnið í gær og krónan heldur áfram að veikjast. Bensínverð hér á Íslandi er nú með því allra hæsta sem þekkist í heiminum og hefur lítrinn hækkað jafnt og þétt frá áramótum. Í byrjun árs var algengt verð á bensínlítranum 109 krónur og 80 aurar á sjálfsafgreiðslustöðvum en er nú eins fyrr segir 126,10 og hefur bensínlítrinn því hækkað um rúmar 16 krónur frá áramótum.