Guðlaugur Þór nýr formaður stjórnar Orkuveitu Reykjavíkur

Nýr meirihluti í borgarstjórn Reykjavíkur kaus Guðlaug Þór Þórðarsson, þingmann Sjálfstæðisflokksins, í embætti formanns stjórnar Orkuveitu Reykjavíkur á fyrsta fundi nýrrar borgarstjórnar í dag. Björn Ingi Hrafnsson, oddviti Framsóknarmanna í borgarstjórn, var kjörin varaformaður. Sjálfstæðismenn hafa gagnrýnt stjórn meirihluta Reykjavíkurlistans á Orkuveitunni mörg undanfarin ár og hefur Guðlaugur Þór sem fulltrúi Sjálfstæðismanna í stjórn Orkuveitunnar, farið framarlega í þeirri gagnrýni. Auk Guðlaugs Þórs og Björns Inga voru Stefán Jón Hafstein, Haukur Leósson og Ólafur F. Magnússon kjörnir í stjórn Orkuveitunnar.