Alvarlega slösuð en ekki í lífshættu

Slysið varð upp úr klukkan níu í morgun. Fólkið var á leið í átt að Akranesi, -norður eftir Hvalfjarðargöngum. Svo virðist sem ökumaðurinn 82 ára karlmaður, hafi einhverra hluta vegna misst stjórn á bílnum, -þegar hann var kominn nokkur hundruð metra inn í göngin, -ekið utan í gangavegginn og bíllinn síðan hringsnúist á veginum. Áreksturinn var mjög harður eins og myndirnar bera með sér. Gömlu hjónin slösuðust illa við áreksturinn, en þó ekki lífshættulega, en þau eru illa beinbrotin og marin og liggja nú á Landspítalanum í Fossvogi.

Vegsummerki benda ekki til þess að bíllinn hafi oltið, - að sögn lögreglu og slökkviliðsmanna sem voru á svæðinu í morgun.

Slysið varð laust upp úr klukkan níu, tilkynning barst lögreglu 17 mínútur yfir og Hvalfjarðargöngunum var fljótlega loka.

Það vildi til happs að Kjósar-deild slökkviliðsins á Höfuðborgarsvæðinu, var á æfingu skammt frá slysstaðnum í morgun, -og sjúkrabíll var á leið á æfinguna, og gat því brugðist venjufremur skjótt við þegar tilkynnt var um slysið í Hvalfjarðargöngunum.

Lögreglan í Reykjavík rannsakar málið, -fram eftir degi var allt á huldu um nánari tildrög slyssins, en nú er talið líklegast að bílstrjóranum hafi einfaldlega fipast við aksturinn.