Stúlkan útskrifuð af gjörgæsludeild

Fjórtán ára stúlka, sem slasaðist í alvarlegu umferðarslysi í Ártúnsbrekku í fyrrinótt, hefur verið útskrifuð af gjörgæsludeild. Stúlkunni var haldið sofandi í öndunarvél fyrst eftir slysið en samkvæmt vakthafandi lækni voru áverkarnir á höfði en ekki heila og því minni en talið var í fyrstu. Hún hefur nú verið flutt á barnadeild þar sem hún dvelur væntanlega næstu daga. Fimm voru í bílnum þegar slysið varð, öll á aldrinum fjórtán til sextán ára, þar á meðal bílstjórinn.