Lifrabólgutilfellum í hundum fjölgar.

Lifrabólgutilfellum í hundum hefur fjölgað á síðustu árum enda hafa íslenskir hundar ekki verið bólusettir við henni í þrjú ár. Ástæðan fyrir því er sú að erlend bóluefni gegn henni eru samsett bóluefni. Það er að segja þau innihalda líka mótefnisvaka gegn sjúkdómum sem ekki finnast hér á landi. Slík bóluefni eru hins vegar ekki leyfileg.

Þetta hefur haft þau áhrif að á síðustu árum hefur lifrabólga í hundum farið fjölgandi. Þær Ástdís Sveinsdóttir og Jórunn Rothenborg eru einar af þeim sem hafa misst dýr úr þessum sjúkdóm, þeim gremst úrræðaleysi íslenska landbúnaðarráðuneytisins mjög og vilja að gripið verði til aðgerða.