Hollenskir snillingar

Hönnunartvíeykið Viktor & Rolf hefur verið valið til að hanna fatnað fyrir verslunarrisann H&M. Þar sem Íslendingar eru hálfgerðir fastakúnnar í þessum verslunum úti um allan heim er vel þess virði að skoða mennina á bak við merkið.

Viktor Horsting og Rolf Snoeren eru frá Hollandi og stofnuðu merkið saman árið 1993. Félagarnir eru báðir fæddir árið 1969 og stofnuðu merkið ári eftir að þeir útskrifuðust tískudeildinni í Listaháskólanum í Arnhem. Síðan þá hefur leið þeirra aðeins legið upp á við. Meðal annars eru þeir núna komnir með karlmannslínu í fyrsta sinn og eru með ilmvatn í samvinnu við Estée Lauder.

Viktor & Rolf eru þekktir fyrir að fara vægast sagt óhefðbundar leiðir í hönnun sinni. Árið 2001 voru þeir með svart þema og allar flíkunar á tískusýningunni voru svartar á litinn sem og fyrirsæturnar frá toppi til táar. Þeir gera mikið af því að ýkja allar línur og snið og nota oftast skemmtileg efni í flíkunum sínum.

Viktor & Rolf er skemmtilegt merki og verður gaman að fylgjast þeim gera inn á í H&M í haust.