Hetjuleg björgun úr bruna

Fimm manna fjölskyldu - hjónum og þremur ungum börnum - var bjargað úr brennandi húsi á Akureyri í morgun. Eldur kviknaði á miðhæð í þrílyftu húsi en fjölskyldan var á efstu hæð.

Tilkynnt var um eldinn í húsinu við Fjólugötu 18 á eyrinni laust fyrir klukkan 9 í morgun og var slökkviliðið komið á staðinn til aðgerða skömmu síðar. Eldur logaði á miðhæð hússins, en í húsinu eru þrjár íbúðir. Giftursamlega tókst að bjarga fjölskyldunni af efstu hæð hússins og voru ungu börnin þrjú borin út umvafin teppum og sængum. Ekki er ljóst hvort fjölskyldan var sofandi þegar eldurinn kom upp á hæðinni fyrir neðan. Það var farið með fjölskylduna á sjúkrahús til skoðunar en að sögn lögreglu var líklegt að hún hefði sloppið við skaða - þó ekki væri hægt að útiloka að reykurinn sem barst uppá efstu hæð hafi mögulega valdið minniháttar eitrun.

Á miðhæðinni búa hjón sem voru heima þegar eldurinn kom upp og tilkynntu þau sjálf um eldinn. Hann var í eldhúsi íbúðarinnar en lögregla hafði fyrir hádegi ekki upplýsignar um eldsupptök.

Það stók slökkviliðið skamman tíma að ná stjórn á eldinum og var slökkvistarfi lokið á um það bil klukkustund. Reykkafarar fóru þá inn í íbúðina til þess að ganga úr skugga um að eldur væri slökktur og að íbúðin væri örugglega mannlaus. Gripið var á það ráð að brjóta rúður í íbúðinni.

Mest um vert er að giftusamelga tókst að bjarga fólki í þessum bruna en ljóst er að verulegt tjón hefur orðið. Að sögn Akeyreyrarlögreglu urðu miklar skemmdir af völdum elds og reyks og vatns.