Fá bætur í allt að þrjá mánuði

Í gær tóku gildi ný lög um greiðslur til foreldra langveikra eða alvarlega fatlaðra barna.

Í þeim er gert ráð fyrir að foreldrar geti sameiginlega átt rétt á greiðslum í allt að þrjá mánuði, samkvæmt mati framkvæmdaraðila og að uppfylltum tilteknum skilyrðum laganna.

Þarna er hið opinbera að koma og lyfta undir bagga, þegar þeir sem í þessu lenda hafa nýtt sér að fullu önnur réttindi. Þetta kemur því til góðs við þá sem verst eru staddir, segir Gissur Pétursson, forstjóri Vinnumálastofnunar sem sér um framkvæmd laganna.