Franskt elektró

Í kvöld munu taktfastir elektró tónar hljóma í portinu á bak við Loftkastalann. Þeir Róbert Aron Magnússon, betur þekktur sem Robbi Chronic, og Halldór Gunnlaugsson standa fyrir þessum viðburði og hafa fengið til liðs við sig Smirnoff sem mun sjá gestum fyrir drykkjum allt kvöldið.

Í kvöld mun franski plötusnúðurinn Dj Jerry koma fram en hann er frá Kitsunjé-útgáfunni sem er ein sú stærsta og vinsælasta í danstónlistargeiranum um þessar mundir. Einnig munu Dj AlfonsX, Dj CasaNova og Steed Lord koma fram. "Planið er að halda svona partí með reglulegu millibili og vera alltaf með það nýjasta og ­fersk­asta úr tónlistarheiminum þá stundina," segir Róbert og bætir því við að þeir félagarnir séu með margt annað skemmtilegt í burðarliðnum fyrir haustið.

Partíið hefst kl. 21 og stendur til kl. 1 eftir miðnætti. Boðsmiða þarf til að komast inn en hægt er að nálgast miða á www.myspace.com/smirnoff101 og senda þeim skilaboð.