Vilja að Siv og Guðni víki

Öll Framsóknarfélög í kjördæmi Halldórs Ásgrímssonar, Reykjavík norður, vilja að Guðni Ágústsson og Siv Friðleifsdóttir víki líka úr forystusveit flokksins til þess að binda enda á áralanga togstreitu í flokknum.

Halldór Ásgrímsson hefur sagst vera að axla ábyrgð á slöku fylgi flokksins með afsögn sinni. Gestur Gestsson, formaður Framsóknarfélagsins í Reykjavíkurkjördæmi norður, segir að tími sé til kominn að áralangri togstreitu forystumanna flokksins linni og því verði aðrir einstaklingar í forystu flokksins að axla sína ábyrgð líka. Hann sér ekki ástæðu til að flýta flokksþinginu, sem fyrirhugað er í haust, meðal annars vegna sumarleyfa, og vaknar þá sú spurning hvort flokkurinn verður í raunh starfhæfur þangað til. Gestur hefur ekki áhyggjur af því ef fólk er staðráðið í að byggja flokkinn upp.