Mun færri kaupsamningar í desember í fyrra en árið 2004

620 kaupsamningum um fasteignir var þinglýst á höfuðborgarsvæðinu í desember samanborið við 735 samninga í nóvember og 1.078 á sama tíma í fyrra. Þetta kemur fram á vef Fasteignamats ríksins. Í Morgunkorni Íslandsbanka segir að þetta bendi til þess mikið hafi róast til á markaðinum og að fólk hafi frestað íbúðakaupum um jólin.

Veltan á íbúðamarkaði nam samtals 17,9 milljörðum króna í desember og meðalupphæð á hvern kaupsamning var því 28,9 milljónir króna. Það er hærri upphæð á hvern kaupsamning en dæmi hafa áður verið um en upphæðin hefur hækkað verulega síðustu misserin eða um 37 prósent frá sama tíma ári áður, segir í morgunkorninu.

Greiningardeildin bendir á að í s pá sinni frá því í maí í fyrra hafi verið gert ráð fyrir að fermetraverð á höfuðborgarsvæðinu færi að meðaltali yfir 200 þúsund krónur í kringum áramótin og sú spá h afi gengið eftir. Reikna m egi með minni umsvifum og meira jafnvægi á íbúðamarkaði á þessu ári. Deildin geri ráð fyrir að íbúðaverð hækki hóflega eða standi í stað á árinu.