Ökumaður slapp ótrúlega

Ökumaður, sem var einn í bíl sínum, slapp ótrúlega lítið meiddur þegar bíll hans fór út af Reykjanesbraut í gærkvöld, valt niður grasbala og hafnaði niður á Fífuhvammsveginum, Svo vel vildi til að þar var engin á ferðinni þegar slysið varð. Bíllinn aflagaðist svo mikið í veltunni að beita þurfti klippum til að ná ökumanni út úr flakinu og var hann fluttur á slysadeild til aðhlynningar. Hann reyndist ekki alvarlega slasaður. Bíllinn er hinsvegar gjör ónýtur. Tildrög slyssins liggja ekki fyrir en engin hálka var á veginum og ökumaðurinn var ódrukkinn.