Þurfa hugsanlega að fella niður strætóferðir

Ekki hefur tekist að ráða nema fjóra til fimm bílstjóra í sumarafleysingar hjá stætó og vantar um fimmtán bílstjóra til viðbótar. Þetta er annað árið í röð sem illa gengur að fá fólk í afleysingar. Staðan í ár er þó betri en í fyrra, þar sem vegna sumarátlana fækkar ferðum og því þarf færri til að leysa af.

Hagvagnar sem eru undirverktakar Stætó hefur brugðið á það að ráð til sín erlenda bílstjóra á vagnana. Ásgeir Eiríksson, framkvæmdastjóri Strætó bs., segir of seint að grípa til þess möguleika í ár en það verði væntanlega skoðað í framhaldinu verði áfram erfitt að fá bílstjóra til starfa.