Mótmælir fækkun bílastæða í miðborginni

Stjórn Laugavegssamtakanna mótmælir harðlega fyrirætlunum meirihluta borgarstjórnar um að fækka bílastæðum í miðborginni og þrengja að aðkomu einkabílsins að miðborginni, eins og samtökin segja að standi berum orðum í stefnu meirihlutans. Ekkert samráð hafi verið haft við rekstraraðila eða íbúa um málið. Einkabíllinn sé ferðamáti Íslendinga og ef borgaryfirvöld meini eitthvað með tali sínu um að styrkja miðborgina, væri nær að fjölga bílastæðum þar, en ekki fækka.