Andre 3000 situr heima

Tvíeykið OutKast hefur gefið það út að tónleikaferð sé í bígerð en þó með öðru sniði en vanalega. Big Boi, annar helmingur hljómsveitarinnar, hefur sagt að Andre 3000 muni ekki spila á tónleikaferðalaginu.

Ég mun fara í tónleikaferðina en bróðir minn Andre mun ekki koma með, hann er bara að slappa af. Hver veit hvað framtíðin ber í skauti sér, við sjáum bara til, sagði Big Boi. Ný plata, sú fyrsta frá árinu 2003. er væntanleg frá Outkast í ágúst og tók Andre 3000 jafnan þátt í gerð hennar. Því er ekki vitað hvers vegna hann mun sitja heima á meðan Big Boi fer í tónleikaferðalag.