Líkfundur

Björgunarsveitarmenn fundu í gærkvöldi lík Péturs Þorvarðarsonar, 17 ára pilts, sem saknað hefur verið frá Grímsstöðum á Fjöllum síðan aðfararnótt sunnudagsins fjórtánda maí.

Á laugardag fundust fótspor, skammt frá upptökum Selár í Vopnafirði, sem talin voru eftir Pétur. Það er langt frá alfaraleið og í öfuga átt við þá, sem leitinni var stýrt í, allt frá upphafi hennar, enda var talið að hann hafi ætlað áleliðis til Egilsstaða. Við nánari leit á þessum vettvangi, með aðstoð víðavangsleitarhundar, fanst Pétur látinn laust fyrir klukkan ellefu í gærkvöldi. Það er um 35 kílómetra frá Grímsstöðum, en Pétur var léttklæddur þegar hann hélt þaðan. Síðan hefur hvert kuldakastið rekið annað á svæðinu með éljagangi. Mörg hundruð björgunarmenn víðs vegar að af landinu hafa tekið þátt í leitinni frá því að hún hófst, og komu síðustu björgunarmenn til síns heima um miðnætti.