Berbrjósta í viðtali

Það er erfitt að vera stjarna og vera stöðugt undir smásjá fjölmiðla, eins og Britney Spears fékk að reyna um daginn eftir að hún fór nærbuxnalaus á djamm-ið. Stjörnurnar þurfa yfirleitt að passa vel upp á klæðaburðinn, því eitthvað jafn venjulegt og smávægilegir svitablettir verða að heimsfréttum í þeirra tilfelli.

Kate Beckinsale hefur þó gert meira en að slysast til að verða á vegi papparassa með opna buxnaklauf: hún hefur nefnilega veitt heilt viðtal með annað brjóstið upp úr blússunni. Beckinsale segir japanska blaðamanninn sem tók viðtalið hafa verið átakanlega vandræðalegan, enda þjóðin sú þekkt fyrir hófsemi og kurteisi.