Hristur, hrærður og í banastuði 16. nóvember 2006 11:30 MYND/AP Tuttugasta og fyrsta James Bond myndin, Casino Royale, verður frumsýnd um víða veröld á morgun og Ísland er vitaskuld engin undantekning. Myndarinnar hefur verið beðið með óvenju mikilli eftirvæntingu enda stígur Daniel Craig sín fyrstu spor sem Bond í henni. Myndin er byggð á fyrstu skáldsögu Ians Flemming um þennan vaskasta útsendara hennar hátignar. Það má því segja að Bond fari aftur á byrjunarreit þar sem myndin fjallar um fyrsta verkefni hans eftir að hann fær nafnbótina 007 sem gefur honum leyfi til að drepa. Bond er því yngri og óreyndari en fólk hefur átt að venjast en að sama skapi harðari og óvægnari. Andstæðingur Bonds að þessu sinni er alþjóðlegi fjárfestirinn Le Chiffre sem sérhæfir sig í því að ávaxta fé hryðjuverkamanna. Sá er í vondum málum þar sem hann hefur hlunnfarið viðskiptavini sína og bregður því á það ráð að afla fjár í skyndi með því að blása til risavaxins pókermóts í spilavítinu Casino Royale. Bond er besti fjárhættuspilarinn sem breska leyniþjónustan hefur yfir að ráða og er því falið það verkefni að knésetja Le Chiffre við spilaborðið þannig að skúrknum sé nauðugur sá kostur að leita hælis hjá Bretum í skiptum fyrir það sem hann veit um viðskiptavini sína. Bond þarf þó ekki aðeins að kljást við Le Chiffre og hryðjuverkamenn þar sem hann kolfellur fyrir hinni þokkafullu Vesper Lynd sem fjármálaráðuneytið sendir með honum í leiðangurinn. Ástin ruglar dómgreind kappans sem hefur ekki áður flækst jafn illa í neti konu en þegar upp er staðið sannast hið fornkveðna á kappanum að það sem ekki drepur mann gerir mann sterkari og jafnvel kaldrifjaðri og verri. Gagnrýnendur hafa tekið Craig og nýju Bond-myndinni fagnandi enda kveður hér við nýjan og ferskan tón og Bond hefur heldur betur fengið andlitslyftingu og hefur hvorki verið svalari né harðari í horn að taka síðan Sean Connery var upp á sitt besta. Danski leikarinn Mads Mikkelsen leikur fúlmennið Le Chiffre og lætur Craig heldur betur vinna fyrir kaupinu sínu en Eva Green fer með hlutverk Vesper Lynd, stúlkunnar sem bræðir hjarta Bonds. Judi Dench endurtekur rullu sína sem M, yfirboðari Bonds, og Jeffrey Wright bregður sér í hlutverk hins hundtrygga Felix Leiter, útsendara CIA, sem hefur oft komið Bond til aðstoðar á ögurstundu. Menning Mest lesið Dauðlangar í kynlífsdúkku en óttast álit annarra Lífið Fagnar gagnrýni á „rasshausa-ummæli“ sín Lífið Maður geti þurft að díla við „konu sem er á túr“ og í vondu skapi Lífið Kynntust í Keflavík og gista saman í villu í Kenýa Ferðalög „Hættið að senda mér gervigreindarmyndbönd af pabba“ Bíó og sjónvarp „Léleg“ hönnun gervigreindar reyndist mannanna verk Menning Enginn í joggingbuxum í París Lífið Dreymir um að finna fólkið sem gaf hana frá sér Lífið Bak við tjöld Víkurinnar: Háskalegar aðstæður og hættulegur ferðamaður á hjara veraldar Bíó og sjónvarp Gefur endurkomu undir fótinn Lífið Fleiri fréttir „Hættið að senda mér gervigreindarmyndbönd af pabba“ Bak við tjöld Víkurinnar: Háskalegar aðstæður og hættulegur ferðamaður á hjara veraldar Saman á rauða dreglinum Rússar meina kvikmyndagerðarmanni að koma til Íslands Weerasethakul og Corbijn hlutu heiðursverðlaun RIFF Simpsons-fjölskyldan snýr aftur á hvíta tjaldið Nextar og Sinclair sýna þætti Kimmels aftur Hanna Björk verðlaunuð af leikstjórum á Norðurlöndum Vaða beint í aðra bók eftir Sigríði Hagalín Baywatch aftur á skjáinn Fluttur á spítala eftir mislukkað áhættuatriði Bestu hlutverk Roberts Redford: Sjarmatröll og skilgreiningin á kvikmyndastjörnu Tjáir sig um erfiðar tökur: Engir meðleikarar og enginn leikstjóri Konráðs-bækur Arnaldar á leið á skjáinn Tjáði sig um ástarsambandið sem splundraði tveimur hjónaböndum Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð Sjá meira
Tuttugasta og fyrsta James Bond myndin, Casino Royale, verður frumsýnd um víða veröld á morgun og Ísland er vitaskuld engin undantekning. Myndarinnar hefur verið beðið með óvenju mikilli eftirvæntingu enda stígur Daniel Craig sín fyrstu spor sem Bond í henni. Myndin er byggð á fyrstu skáldsögu Ians Flemming um þennan vaskasta útsendara hennar hátignar. Það má því segja að Bond fari aftur á byrjunarreit þar sem myndin fjallar um fyrsta verkefni hans eftir að hann fær nafnbótina 007 sem gefur honum leyfi til að drepa. Bond er því yngri og óreyndari en fólk hefur átt að venjast en að sama skapi harðari og óvægnari. Andstæðingur Bonds að þessu sinni er alþjóðlegi fjárfestirinn Le Chiffre sem sérhæfir sig í því að ávaxta fé hryðjuverkamanna. Sá er í vondum málum þar sem hann hefur hlunnfarið viðskiptavini sína og bregður því á það ráð að afla fjár í skyndi með því að blása til risavaxins pókermóts í spilavítinu Casino Royale. Bond er besti fjárhættuspilarinn sem breska leyniþjónustan hefur yfir að ráða og er því falið það verkefni að knésetja Le Chiffre við spilaborðið þannig að skúrknum sé nauðugur sá kostur að leita hælis hjá Bretum í skiptum fyrir það sem hann veit um viðskiptavini sína. Bond þarf þó ekki aðeins að kljást við Le Chiffre og hryðjuverkamenn þar sem hann kolfellur fyrir hinni þokkafullu Vesper Lynd sem fjármálaráðuneytið sendir með honum í leiðangurinn. Ástin ruglar dómgreind kappans sem hefur ekki áður flækst jafn illa í neti konu en þegar upp er staðið sannast hið fornkveðna á kappanum að það sem ekki drepur mann gerir mann sterkari og jafnvel kaldrifjaðri og verri. Gagnrýnendur hafa tekið Craig og nýju Bond-myndinni fagnandi enda kveður hér við nýjan og ferskan tón og Bond hefur heldur betur fengið andlitslyftingu og hefur hvorki verið svalari né harðari í horn að taka síðan Sean Connery var upp á sitt besta. Danski leikarinn Mads Mikkelsen leikur fúlmennið Le Chiffre og lætur Craig heldur betur vinna fyrir kaupinu sínu en Eva Green fer með hlutverk Vesper Lynd, stúlkunnar sem bræðir hjarta Bonds. Judi Dench endurtekur rullu sína sem M, yfirboðari Bonds, og Jeffrey Wright bregður sér í hlutverk hins hundtrygga Felix Leiter, útsendara CIA, sem hefur oft komið Bond til aðstoðar á ögurstundu.
Menning Mest lesið Dauðlangar í kynlífsdúkku en óttast álit annarra Lífið Fagnar gagnrýni á „rasshausa-ummæli“ sín Lífið Maður geti þurft að díla við „konu sem er á túr“ og í vondu skapi Lífið Kynntust í Keflavík og gista saman í villu í Kenýa Ferðalög „Hættið að senda mér gervigreindarmyndbönd af pabba“ Bíó og sjónvarp „Léleg“ hönnun gervigreindar reyndist mannanna verk Menning Enginn í joggingbuxum í París Lífið Dreymir um að finna fólkið sem gaf hana frá sér Lífið Bak við tjöld Víkurinnar: Háskalegar aðstæður og hættulegur ferðamaður á hjara veraldar Bíó og sjónvarp Gefur endurkomu undir fótinn Lífið Fleiri fréttir „Hættið að senda mér gervigreindarmyndbönd af pabba“ Bak við tjöld Víkurinnar: Háskalegar aðstæður og hættulegur ferðamaður á hjara veraldar Saman á rauða dreglinum Rússar meina kvikmyndagerðarmanni að koma til Íslands Weerasethakul og Corbijn hlutu heiðursverðlaun RIFF Simpsons-fjölskyldan snýr aftur á hvíta tjaldið Nextar og Sinclair sýna þætti Kimmels aftur Hanna Björk verðlaunuð af leikstjórum á Norðurlöndum Vaða beint í aðra bók eftir Sigríði Hagalín Baywatch aftur á skjáinn Fluttur á spítala eftir mislukkað áhættuatriði Bestu hlutverk Roberts Redford: Sjarmatröll og skilgreiningin á kvikmyndastjörnu Tjáir sig um erfiðar tökur: Engir meðleikarar og enginn leikstjóri Konráðs-bækur Arnaldar á leið á skjáinn Tjáði sig um ástarsambandið sem splundraði tveimur hjónaböndum Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð Sjá meira
Bak við tjöld Víkurinnar: Háskalegar aðstæður og hættulegur ferðamaður á hjara veraldar Bíó og sjónvarp
Bak við tjöld Víkurinnar: Háskalegar aðstæður og hættulegur ferðamaður á hjara veraldar Bíó og sjónvarp