Játast í Armani

Katie Holmes hefur nú ákveðið að það verði kjóll frá hönnuðnum Armani sem hún mun klæðast við brúðkaupið. Búið er að ákveða að Tom Cruise og Holmes munu ganga í það heilaga á Ítalíu í næsta mánuði. Ekki nóg með að Armani hafi hannað brúðarkjólinn sjálfan heldur hefur hann hannað fimm mismunandi dress sem hún getur verið í alla brúðkaupshelgina.

Ekki er komið í ljós í hverju Cruise mun vera en líklegt þykir að Armani verði einnig fyrir valinu enda í miklu uppáhaldi hjá þeim skötuhjúum.