Var ekki með Carter

Ashlee Simpson segist hafa hlegið hátt og snjallt þegar hún las frásögn Nicks Carter, söngvara Backstreet Boys, en söngvarinn lýsti því yfir í samtali við PageSix.com að hann hefði sofið hjá Simpson á meðan hann var með Paris Hilton.

Carter ljóstraði upp um þetta skömmu eftir að slúðurblöðin birtu fréttir af því að Hilton hefði haldið framhjá söngvaranum á meðan á tökum kvikmyndarinnar House of Wax stóð. „Ég var með Ashlee á meðan Hilton var í Ástralíu við tökur. Þegar hún kom heim hittust þær tvær og Paris komst að þessu hliðarspori hjá mér,“ sagði Carter við PageSix.com. Ef marka má viðbrögð Ashlee Simpson þá hefur söngvarinn eitthvað hlaupið á sig því hún sagði þetta vera þvætting. „Hann er bara að bulla, þegar ég heyrði þetta fór ég bara að hlæja,“ sagði hún.