Scarlett til liðs við Dallas

Scarlett Johansson mun leika í kvikmynd sem gerð verður eftir hinum vinsælu Dallas þáttum frá níunda áratugnum. Scarlett mun leika Lucy Ewing en hart var barist um hlutverkið. Auk Nicole Richie og Paris Hilton voru þær Lindsay Lohan og Jessica Simpson orðaðar við hlutverkið en eins og einn viðmælenda Daily star sagði komast þær ekki í hálfkvisti við Scarlet. Kvikmyndin um Ewing - fjölskylduna er enn á teikniborðinu þannig að óvíst er hvenær eða hvort kvikmyndin verður að raunveruleika. Orðrómur hefur verið á kreiki um að John Travolta, Marcia Cross og Jennifer Lopez hafi tekið að sér hlutverk í myndinni en það hefur ekki fengist staðfest.