Bjór seldur á Babalú

Litla kaffihúsið á Skólavörðustígnum, Babalú, er komið með vínveitingaleyfi. Fastagestir staðarins höfðu beðið óþreyjufullir eftir þessu en áður en leyfið fékkst var kaffi það sterkasta sem gestir staðarins gátu keypt.

Nú er hins vegar hægt að fá rauðvín, hvítvín og flöskubjór á staðnum og segir Hallgrímur Hannessonar, einnn af eigendum staðarins, að gestir hafi fagnað þessari breytingu. „Svo erum við líka með bestu svalirnar í borginni,“ segir Hallgrímur og bætir við að þegar sólin skín sé alltaf sól einhvers staðar á svölunum. Fleiri breytinga á veitingaúrvali staðarins er ekki að vænta enda eldhúsið afar lítið.